‘लिगलिगे साइकल दौड’मा मल्ल प्रथम [तस्बिरहरु]- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

‘लिगलिगे साइकल दौड’मा मल्ल प्रथम [तस्बिरहरु]

हरिराम उप्रेती, तस्बिर : दीपक केसी

गोरखा — ‘लिगलिगे साइकल दौड’को उपाधि एपिएफका लक्ष्मण मल्लले जितेका छन् । ५२.९ किलोमिटर निर्धारित दूरी २ घण्टा २२ मिनेट ५५ सेकेन्डमा पार गर्दै धादिङ घर भएका मल्ल साइकल दौड प्रतियोगितामा प्रथम बने । दुई घण्टा ३१ मिनेट ३५ सेकेन्डमा निर्धारित दूरी पार गर्दै हिमाल टमटा दोस्रो बने । उक्त दौडमा वकेसराज व्रजाचार्य तेस्रो बने । उनले निर्धारित साइकल यात्रा दुई घण्टा ३६ मिनेट ५६ पार गरे । खुला साइकल दौडमा १६ महिला र ६२ पुरुषले भाग लिएका थिए ।

महिलातर्फ एफिएफकै सोनी गुरुङ प्रथम बनिन् । निर्धारित ५२.९ किलोमिटर दूरी उनले दुई घण्टा ५६ मिनेटमा पार गरिन् । त्यस्तै महिलातर्फ तीन घण्टा २ मिनेट ९ सेकेन्डमा निर्धारित दूरी पार गर्दै लक्ष्मी मगर दोस्रो बनिन् भने । तीन घन्टा नौ मिनेट तीस सेकेन्डमा यात्रा पार गर्दै उषा खनाल तृतिय भएकी छिन् ।

खुला साइकल दौड प्रतियोगीतामा प्रथम हुनेलाई २५ हजार, द्वितिय हुनेलाई २० हजार र तृतिय हुनेलाई नगद १५ हजारले पुरस्कृत गर्ने आयोजक लिगलिग भिलेज स्पेर्ट्‌सका अध्यक्ष सन्जिव रानाले बताए । प्रतियोगीतामा सहभागी महिला साइकल यात्रीलाई पनि सोही अनुसारको पुरस्कारको व्यवस्था गरिएको छ ।

नेपाल राज्य स्थापनाको उद्गम थलोको रुपमा परिचित पालुङटार नगरपालिकाको लिगलिगकोटलाई स्पोर्ट्स टुरिजमको रुपमा विकास गराउन ‘लिगलिगे साइकल दौड’ प्रतियोगिता भएको हो । लिगलिग भिलेज स्पोर्ट्‌सको आयोजना तथा नेपाल पर्यटन बोर्ड र पालुङटार नगरपालिकाको समन्वयमा प्रतियोगिताको आयोजना गरिएको हो । लिगलिगकोटबाट सुरु भएको साइकल दौड आपँपिपल भञ्ज्याङ– हर्मी भञ्ज्याङ– मुकुन डाँडा–आँपपिपल अस्पताल–बनटार– भण्डारथोक–चेपेपुल–गरमबेंसी–चेपेघाट दोभान–हवाइग्राउन्ड–तालपोखरी–कालमाटा–नगरपालिकाको कार्यालय–बाह्रपिर्के–लुइँटेल–वटडाडाँ–बोहोरागाउँ–बिजुली डाँडा–खोल्ली हुँदै पुन लिगलिगकोटमा आएर टुंगिएको आयोजक लिगलिग भिलेज स्पेर्टसका अध्यक्ष रानाले बताए ।

पालुङटार नगरपालिकासँगै छिमेकी सिरानचोक र लमजुङको राइनस नगरपालिकाको केही भागलाई समेटेर साइकल ट्रेलको रुपमा विकास गरिएको उनले बताए । लिगलिगकोटको इतिहास, मौलिक संस्कृति जगेर्ना, वातावरण संरक्षणको सन्देश दिन तथा वातावरण मैत्री साइकल संस्कारको विकास तथा विस्तार गर्ने उद्देश्यले साइकल दौड प्रतियोगीताको आयोजना गरिएको रानाले बताए । प्रतियोगीताले स्थानीय संस्कृतिको संरक्षण र पर्या–पर्यटन तथा साहसिक खेलको विकास गर्ने आयोजको अपेक्षा छ ।


प्रकाशित : फाल्गुन ७, २०७७ १६:५७
प्रतिक्रिया
पठाउनुहोस्

प्रदेश प्रमुखबाट पदमुक्त भएका परियारले भने-'राजनीतिक प्रतिशोध साधियो'

अजित तिवारी

जनकपुर — प्रदेश २ का पदमुक्त प्रदेश प्रमुख तिलक परियारले राजनीतिक प्रतिशोधका कारण आफूलाई पदमुक्त गरिएको बताएका छन् । उनले कानुनी व्यवस्था केही छ भन्ने पदमुक्तको मामिलामा सर्वोच्च अदालतमा अपील गर्ने पनि बताए ।

तस्बिर : सन्तोष सिंह

‘पदमुक्त गर्ला भन्ने कुनै शंका गरेको थिइनँ,’ जनकपुरस्थित सरकारी निवासमा शुक्रबार अपरान्ह कान्तिपुरसित उनले भने,‘पदमुक्त गरिएको राष्ट्रपति कार्यालयबाट इमेल आएपछि झसङ्ग भएँ ।’ उनले पदमुक्त गरिएको मामिलामा राष्ट्रपति कार्यालयले इमेलबाटै जानकारी गराएको र अहिलेसम्म फोनमा कुनै प्रकारको खबर नगरेको पनि बताए ।

‘पदमुक्त गरिएकोमा दंग परेको छु,’ भावुक मुद्रामा परियारले भने,‘प्रदेश प्रमुखको भूमिका तटस्थ र निष्पक्ष निर्वाह गरेको छु । मधेसमा खेल्नुपर्ने भूमिका सबै खेलेँ । सरकारले दिएको जिम्मेवारी सबै पूरा गरेँ । कुनै गुट–उपगुटमा लागिनँ ।’ उनले पूर्वमाओवादी घटकबाट पुष्पकमल दाहाल प्रचण्डको सिफारिसमा प्रदेश प्रमुख नियुक्ति भएको बताउँदै त्यसैले पूर्वाग्रह सोच राखेर पदबाट मुक्त गरिएको आशंका गरे ।

प्रकाशित : फाल्गुन ७, २०७७ १६:३८
पूरा पढ्नुहोस्
प्रतिक्रिया
पठाउनुहोस्
×