वेस्ट इन्डिजविरुद्ध बंगलादेश संघर्ष गर्दै
ढाका — वेस्ट इन्डिजविरुद्धको दोस्रो टेस्टको दोस्रो दिन बंगलादेश संघर्षरत रहेको छ । दोस्रो दिनको खेल समाप्त हुँदा बंगलादेशले चार विकेट गुमाएर १ सय ५ रन बनाएको छ ।
बंगलादेश अझै ३ सय ४ रनले पछाडि छ र तेस्रो दिनको खेल सुरु हुँदा उसको पहिलो लक्ष्य फलो अन जोगाउने हुनेछ । घरेलु टिमका लागि मोहम्मद मिथुन ६ र मुसफिकिर रहिम २७ रन बनाएर खेलिरहेका छन् ।
प्रारम्भिक ब्याट्सम्यान तमिम इक्बालले ४४ रनको योगदान दिएका छन् । वेस्ट इन्डिजका बलरमध्ये सनन ग्याब्रिएलले ३१ रन खर्चेर दुई विकेट लिएका छन् ।
यसअघि वेस्ट इन्डिजले आफ्नो पहिलो इनिङ्समा ४ सय ९ रन बनाएको थियो । वेस्ट इन्डिज शृंखलामा १–० ले अगाडि रहेको छ।
प्रकाशित : माघ ३०, २०७७ १७:०३प्रतिक्रिया