एट्लेटिको र सेल्टा भिगोबीच बराबरी
म्याड्रिड — लुइस स्वारेजले दुई गोल गरे पनि स्पेनी ला लिगाको शीर्ष स्थानमा रहेको एट्लेटिको म्याड्रिड सोमबार सेल्टा भिगोसँग २–२ को बराबरीमा रोकिएको छ ।
स्वारेजको दोस्रो गोलमा एट्लेटिको लिगको १७औं जिततर्फ अग्रसर रहेका बेला फुकान्डो फेरेयराले सेल्टा भिगोका तर्फबाट ८९औं मिनेटमा बराबरी गोल फर्काए ।
दोस्रो स्थानमा रहेको बार्सिलोनाभन्दा एक खेल कम खेलेको एट्लेटिकोले यस नतिजापछि शीर्ष स्थानमा आठ अंकको अग्रता कायम राख्यो । स्वारेजले यस सिजन लिगमा सर्वाधिक १६ गोल गरेका छन् ।
प्रकाशित : माघ २७, २०७७ ०६:५९प्रतिक्रिया