बायर्न क्लब वर्ल्डकपको फाइनलमा
दोहा — रोबर्ट लेवन्डोस्कीको दुई गोलमा बायर्न म्युनिखले अल अहलीलाई २–० ले पराजित गर्दै फिफा क्लब वर्ल्डकपको फाइनल यात्रा तय गरेको छ । सोमबार भएको स्पर्धामा पूरै खेल जर्मन च्याम्पियनको पक्षमा रह्यो ।
लेवन्डोस्कीले इजिप्टको प्रतिद्वन्द्वीविरुद्ध १७ र ८५ औं मिनेटमा गोल गरे । यो सिजन क्लबका लागि २९औं खेल खेल्दै पोलिस फरवार्डले गरेको यो २९औं गोल हो ।
अब बायर्नले बिहीबारको फाइनलमा उपाधिका लागि मेक्सिकोको टाइगर्सविरुद्ध खेल्नेछ ।
प्रकाशित : माघ २७, २०७७ ०६:५३