बिलबाओ कोपा डेल रेको सेमिफाइनलमा
म्याड्रिड — एथलेटिक बिलबाओले रियल बेटिसलाई बिहीबार सुट–आउटमा ४–१ ले हराएर कोपा डेल रेको सेमिफाइनलमा प्रवेश गरेको छ । राउल गार्सियाले इन्ज्युरी समयमा गोल गरेपछि खेल अतिरिक्त समयमा गएको थियो ।
पेनाल्टीमा बिलबाओ गोलरक्षक उनाई सिमानेले दुई बचाउ गरे । निर्धारित समयको खेल १–१ को बराबरीमा थियो । यो जितपछि बिलबाओ लगातार दोस्रो वर्ष कोपा डेल रे जित्न सक्ने स्थितिमा पुगेको छ ।
बेटिसले जुनामीको गोलले ८४ औं मिनेटमा अग्रता लिएको थियो । तर गार्सियाले इन्ज्युरी समयको चौथो मिनेटमा गोल फर्काए ।
प्रकाशित : माघ २३, २०७७ ०७:३७प्रतिक्रिया