कुसुमको ह्याट्रिकमा विराटनगरको पहिलो जित
काठमाडौँ — विराटनगर महानगरपालिकाले महिला राष्ट्रिय लिग फुटबलमा बुधबार पहिलो जित निकालेको छ । उसले चन्द्रपुर नगरपालिकालाई ५–० ले हरायो । विराटनगर पहिलो हाफमा दुई गोलले अगाडि थियो ।
सातदोबाटोको एन्फा कम्प्लेक्समा भएको खेलमा विराटनगरका लागि कुसुम खड्काले ह्याट्रिक गरिन् ।
यस्तै अनु राई र सरिता शेर्पाको नाममा एक/एक गोल रह्यो । कुसुमले १२ औं मिनेटमा टिमका लागि पहिलो गोल गरेपछि ७५ औं मिनेटमा ह्याट्रिक गरिन् र यो टिमको अन्तिम गोल पनि रह्यो ।
प्रकाशित : माघ १४, २०७७ १६:१९