एनएनआईपीएस स्पोर्ट्स अवार्ड थिमिमा

यसपल्टदेखि अवार्डमा ‘राइजिङ प्लेयर अफ द इयर’ विधा थपिएको छ । एक महिला र एक पुरुषलाई यो अवार्ड प्रदान गरिनेछ । अवार्डको उत्कृष्ट महिला र पुरुष खेलाडीका विजेताले एक/एक लाख रुपैंया पाउने छन् ।

यस्तै एक जनालाई गजराज जोशी आदर्श खेलाडी र एक जनालाई खेलकुद पत्रकार पुरस्कार पनि प्रदान गरिनेछ । यसपल्टको अवार्डमा १३ औं दक्षिण एसियाली खेलकुद (साग) मा समावेश भएका खेलाडीलाई समेटिएको छ ।