मेयर कपमा चार वडा क्वाटरफाइनलमा

आइतबार वडा ९ ले वडा ५ लाई पेनाल्टी सुटमा ४–२ गोलमा पराजित गर्‍यो । वडा २ ले वडा नं ४ लाई १–० को अन्तरमा हराएको छ । वडा नं. १३ र ७ बीच भएको खेलमा ४ काविरुद्ध दुई गोलको अन्तरले वडा १३ विजयी भएको छ । निर्धारित समयमा गोल हुन नसकेपछि पेनाल्टी सुटबाट जितहार भएको थियो । त्यस्तै दोस्रो खेल वडा नं. १ र १४ को टिम बीच भएकोमा ४ काविरुद्ध दुई गोल अन्तरले वडा १ विजयी भएर क्वाटरफाइनल प्रवेश गरेको कमलामाई नगर खेलकुद विकास समितिका अध्यक्ष दिपेन्द्र फुयालले जानकारी दिए ।

प्रतियोगिताको समापन माघ १५ गते हुने आयोजकले जनाएको छ । प्रतियोगिताका विजेताले एक लाख र उपविजेताले ५० हजार नगदसहित सिल्ड, मेडल, प्रमाणपत्र पाउने छन् । नकआउट प्रणलीमा खेलाइने उक्त प्रतियोगितामा नगरपालिकाका १४ वडामध्ये ११ वटा वडाबाट ११ वटै टिमले सहभागिता जनाएका छन् ।