अरुणालाई सम्मान

अरुणा जिताऔं अभियानअन्तर्गत पश्चिमाञ्चल भलिबल संघको आयोजनामा भएको सम्मान कार्यक्रममा गण्डकी प्रदेशकी सामाजिक विकासमन्त्री नरदेवी पुनले अरुणालाई सरकारको तर्फबाट एक लाख रुपैयाँ प्रोत्साहनस्वरुप हस्तान्तरण गरिन् ।मन्त्री पुनले अरुणालाई बधाइ दिँदै प्रदेश सरकार खेलकुद विकासका लागि प्रतिवद्ध रहेको दाबी गरिन् । उक्त अवसरमा राष्ट्रिय खेलकुद परिषद्का सदस्य राजेशकुमार गुरुङले शाहीलाई व्यक्तिगत ११ हजार नगद सहयोग गरे । अरुणा शाही जिताऔं अभियानअन्तर्गत बचत ३ लाख ७३ हजार ७ सय ५ रुपैयाँ उनलाई हस्तान्तरण गरिएको थियो ।

भलिबल प्रतियोगिताको टिकट बिक्रीबाट २ लाख ५३ हजारसहित १६ लाख ७३ हजार ७ सय ५ रुपैयाँ संकलन भएको नेपाल भलिबल संघका सल्लाहकार नारायणप्रसाद शर्माले जानकारी गराए । उनका अनुसार संकलित रकममध्ये ई–सेवा भोटिङका लागि १० लाख, भलिबल खेल व्यवस्थापनमा २ लाख ७० हजार र अन्य खर्च गरी १३ लाख खर्च भएको थियो । अरुणाले अवार्ड जिताउन खेलेको भूमिका र सहयोगप्रति आभार व्यक्त गरिन् । अवार्ड जितले जिम्मेवारी बढेको उनले बताइन् ।