उत्कृष्ट प्रशिक्षक बने तेक्वान्दोका नवीन श्रेष्ठ- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

उत्कृष्ट प्रशिक्षक बने तेक्वान्दोका नवीन श्रेष्ठ

नएसजेएफ पल्सर स्पोर्ट्स अवार्ड
कान्तिपुर संवाददाता

काठमाडौँ — तेक्वान्दोका प्रशिक्षक नवीन श्रेष्ठ वर्षका उत्कृष्ट प्रशिक्षक भएका छन् । १३औं सागमा तेक्वान्दोबाट १२ वटा स्वर्ण जिताउन सफल प्रशिक्षक श्रेष्ठलाई १७ औं एनएसजेएफ पल्सर स्पोर्ट्स अवार्डमा उत्कृष्ट प्रशिक्षक घोषणा गरिएको हो।

उनीसँगै करातेका मदन उप्रेती,पौडीका शंकर कार्की,उसुका अमर थिङ र बक्सिङका प्रकाश थापामगर मनोनयनमा परेका थिए ।

१३ औं सागमा गल्फ खेलबाट २ वटा स्वर्ण जितेका गल्फर सुवास तामाङ वर्षको उत्कृष्ट युवा खेलाडी भएका छन् भने राष्ट्रिय भलिबल टोली टिम अफ द इयर बनेका छन् ।

प्रकाशित : पुस २८, २०७७ १७:१९
प्रतिक्रिया
पठाउनुहोस्

पर्स चोरी आरोपमा महिलालाई बाँधेर यातना दिने दुई जना पक्राउ 

कान्तिपुर संवाददाता

भक्तपुर — पर्स चोरीको आरोपमा बाँधेर यातना दिने दुई जना महिलालाई प्रहरीले पक्राउ गरी अभद्र व्यवहारमा मुद्दा चलाइएको छ ।

महानगरीय प्रहरी वृत्त जगाती प्रमुख डीएसपी राजेश थापाका अनुसार भक्तपुर नगरपालिका–७ हनुमानघाटकी ४० वर्षीया कृष्णलक्ष्मी कारन्जित र सुनसरी धरान उपमहानगर–१५ घरभई भेलुखेल बस्ने ५२ वर्षीया नानु विकलाई शुक्रबार पक्राउ गरेर आइतबार अभद्र व्यवहारअन्तर्गत म्याद थप गरेको हो ।

पुस २१ भक्तपुर नगरको हनुमानघाटमा पर्स चोरीको आरोपमा स्थानीय सपना बानुलाई पाटी (फल्चा) को खम्बामा बाँधेर सिस्नु लगाई यातना दिइएको थियो । आफन्तको मृत्यु संस्कारमा हनुमानघाट पुगेका भक्तपुर नगरपालिका–७ का एलिस कुस्माको हराएको पर्स चोरीको आरोपमा बानुलाई बाँधेर सिस्नु लगाई यातना दिइएको थियो । यातनामा संलग्न थप व्यक्तिहरुको खोजी भइरहेको डीएसपी थापाले बताए ।

सम्बन्धित समाचार

प्रकाशित : पुस २८, २०७७ १७:१८
पूरा पढ्नुहोस्
प्रतिक्रिया
पठाउनुहोस्
×