शीर्षमा मिलानको चार अंकको अग्रता
मिलान — इटालीको सिरी एमा एसी मिलानले शनिबार शीर्ष स्थानमा चार अंकको अग्रता खोलेको छ । चोटबाट मुक्त भएका ज्लाटन इब्राहिमोभिचलाई मैदानमा स्वागत गरेको मिलानले टुरिनोमाथि २–० को सजिलो जित निकाल्यो ।
खेलको अन्त्यतिर स्विडेनी खेलाडी सब्स्टिच्युटका रूपमा मैदानमा प्रवेश गरेका थिए । मिलानका लागि गोल गर्ने खेलाडी भने राफेल लियो र फ्रान्क केसी रहे ।
मिलानको यो जितपछि १७ खेलबाट ४० अंक भएको छ । इन्टर मिलान ३६ अंकमा दोस्रो स्थानमा छ । शनिबारकै अर्को खेलमा जेनोआले बोलोग्नालाई २–० ले हरायो ।
प्रकाशित : पुस २६, २०७७ ०७:०१प्रतिक्रिया