युनाइटेडलाई हराएर सिटी लिगकपको फाइनलमा
लन्डन — म्यानचेस्टर सिटीले बुधबार लगातार चौथो पल्ट लिगकपको फाइनल यात्रा तय गरेको छ । उसले म्यानचेस्टर युनाइटेडलाई सजिलै २–० ले पराजित गर्दै फाइनलको यात्रा तय गरेको हो ।
पेप ग्वार्डिओलाको टिमका लागि ओल्ड ट्रायफोर्डमा भएको प्रतियोगिताको दोस्रो सेमिफाइनलमा जोन स्टोन्स र फर्नान्डिन्होले गोल गरे । अब सिटीले फाइनलमा जोसे मोउरिन्होको टोटनहमको सामना गर्नेछ ।
वेम्बलीमा अप्रिल २५ मा फाइनलमा सिटी लगातार चौथो पल्ट लिगकप जित्ने अभियानमा हुनेछ । अर्कोतर्फ म्यानचेस्टर भने कप सेमिफाइनलमा रोकिएको यो लगातार चौथो अवसर हो ।
प्रकाशित : पुस २३, २०७७ ०६:५७प्रतिक्रिया
