दक्षिण अफ्रिका इनिङ्स अन्तरले विजयी

पुस १४, २०७७(एजेन्सी)

सेन्चुरियन — दक्षिण अफ्रिकाले श्रीलंकाविरुद्धको पहिलो टेस्ट मंगलबार एक इनिङ्स र ४५ रनले जितेको छ । टेस्टको चौथो दिन श्रीलंका आफ्नो दोस्रो इनिङ्समा १ सय ८० रन बनाएर अलआउट भयो । यसअघि दक्षिण अफ्रिकाले आफ्नो पहिलो इनिङ्समा ६ सय २१ रनको विशाल स्कोर खडा गरेको थियो ।

पहिले ब्याटिङ गरेका श्रीलंकाले ३ सय ९६ रन बनाएको थियो । पाहुना टिमका लागि दोस्रो इनिङ्समा कुशल परेराले बनाएको ६४ रन नै सबैभन्दा ठूलो व्यक्तिगत स्कोर रह्यो । यस्तै विनिन्डु हसरन्गाले ५९ रन बनाए ।