रोनाल्डोको दुई गोलमा युभेन्ट्स दोस्रो स्थानमा- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

रोनाल्डोको दुई गोलमा युभेन्ट्स दोस्रो स्थानमा

एजेन्सी

मिलान — क्रिस्टियानो रोनाल्डोले पहिलो हाफमा गरेको दुई गोलमा युभेन्ट्सले इटालीको सिरी ‘ए’ मा कागलिरीलाई २–० हराएको छ । यससँगै टोली अंक–तालिकाको दोस्रो स्थानमा उक्लिएको ।

पोर्चुगाली खेलाडीले टुरिनमा भएको खेलमा ३८औं मिनेटमा पहिलो गोल गरे ।

यससँगै उनले लिगका लगातार पाँच खेलमा गोल गरे । त्यसको चार मिनेटपछि ३५ वर्षीय रोनाल्डोले दोस्रो उत्कृष्ट गोल गरे । यो सिजनको लिगमा उनले आठ गोल गरिसकेका छन् । यो जितपछि युभेन्ट्सले शीर्ष स्थानमा रहेको एसी मिलानसँगको दूरी एक अंकमा छोट्याएको छ ।

प्रकाशित : मंसिर ७, २०७७ ०७:३८
प्रतिक्रिया
पठाउनुहोस्

दिल्लीमा मास्क नलगाउनेलाई दुई हजार जरिवाना

एजेन्सी

नयाँदिल्ली — भारतको दिल्ली राज्यमा मास्क लगाउन अनिवार्य गरिएको छ । दिल्लीका मुख्यमन्त्री अरविन्द्र केजरीवालले मास्क नलगाई बाहिर हिँड्नेलाई दुई हजार रुपैयाँ जरिवाना गराइने बताएका छन् ।

मास्क लगाउन पटकपटक आग्रह गर्दा पनि धेरैले बेवास्ता गरेपछि जरिवाना शुल्क बढाउन लागिएको हो । प्रदेश सरकारले यसअघि ५ सय रुपैयाँ मात्रै जरिवाना तोकेको थियो ।

नयाँ दिल्लीमा कोभिड १९ को महामारी फैलिदै गएपछि सरकारले सतर्कता बढाउने क्रममा जरिवाना पनि बढाएको हो । ‘दिल्लीमा पछिल्लो समयमा कोभिड १९ संक्रमितहरुको संख्यामा वृद्धि हुँदै गएको छ, तर अहिलेसम्म पनि कतिपयले सार्वजनिक स्थलमा मास्क लगाएका छैनन्,’ केजरीवालले भने ।

केजरीवालले सकभर भीडभाड नगर्न तथा आधारभूत स्वास्थ्य सतर्कता अपनाउन समेत सर्वसाधारणलाई आग्रह गरेका छन् । धार्मिक, सांस्कृतिक, राजनीतिक तथा अन्य कुनै कार्यक्रम तथा गतिविधिहरु नगर्न पनि उनले आग्रह गरेका छन् ।

महामारीको पछिल्लो अवस्थाबारे समिक्षा गर्न तथा भावी रणनीति तय गर्न दिल्लीमा भएको सर्वदलीय बैठकपछि बोल्दै केजरीवालले जनताको जीवन रक्षाका लागि संयुक्त रुपमा काम गर्न सबै पार्टीहरु सहमत भएको पनि जनाए । ‘सबै पार्टीहरुकातर्फबाट मलाई सहयोग र सुझाव आएको छ । यो कठिन घडीमा हामी सबै एकै ठाउँमा छौं,’ केजरीवालले भने ।

प्रकाशित : मंसिर ४, २०७७ २०:४१
पूरा पढ्नुहोस्
प्रतिक्रिया
पठाउनुहोस्
×