विश्वकप छनोट : उरुग्वेलाई हराउँदै ब्राजिल शीर्ष स्थानमा

ब्राजिलको चार खेलबाट १२ अंक भएको छ । अर्को अपराजित टिम अर्जेन्टिना भने १० अंकसाथ दोस्रो स्थानमा छ । उसले पेरुलाई २–० ले हरायो । त्यसमा निकोलस गोन्जालेज र लउटारो मार्टिनेजले गोल गरे । इक्वेडर ९ अंकसहित तेस्रो स्थानमा छ । उसले यसका लागि कोलम्बियामाथि ६–१ को प्रभावशाली जित निकाल्यो ।

मंगलबारका अन्य खेलमा भेनेजुएलाले चिलीलाई २–१ ले हरायो भने पाराग्वे र बोलिभियाबीचको खेल २–२ को बराबरीमा रह्यो । कुल १० टिम सम्मिलित दक्षिण अमेरिकी विश्वकप छनोटबाट शीर्ष चार टिमले अन्तिम चरणमा स्वत: प्रवेश पाउनेछन् भने पाँचौं टिमले अन्तर महादेशीय ‘प्लेअफ’ खेल्नेछ ।