लिड्ससँग भिल्ला पराजित
बर्मिङ्घम — प्याट्रिक बामफोर्डको ह्याट्रिकमा लिड्स युनाइटेडले शुक्रबार राति एस्टन भिल्लामाथि ३–० को जित निकालेको छ । यससँगै लिगमा भिल्लाको शतप्रतिशत जितको यात्रा टुंगिएको छ ।
पहिलो हाफ गोलरहित बराबरीमा टुंगेपछि बामफोर्डले ५५, ६७ र ७४औं मिनेटमा गोल गरे । प्रिमियर लिगमा उनको यो पहिलो ह्याट्रिक हो ।
यो जितपछि लिड्स १० अंकसहित तेस्रो स्थानमा उक्लेको छ । एभर्टन १३ अंकसहित शीर्ष स्थानमा छ । भिल्ला भने १२ अंकसहित दोस्रो स्थानमा छ ।
प्रकाशित : कार्तिक ८, २०७७ ०७:१९