लिड्ससँग भिल्ला पराजित- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

लिड्ससँग भिल्ला पराजित

रोयटर्स

बर्मिङ्घम — प्याट्रिक बामफोर्डको ह्याट्रिकमा लिड्स युनाइटेडले शुक्रबार राति एस्टन भिल्लामाथि ३–० को जित निकालेको छ । यससँगै लिगमा भिल्लाको शतप्रतिशत जितको यात्रा टुंगिएको छ ।

पहिलो हाफ गोलरहित बराबरीमा टुंगेपछि बामफोर्डले ५५, ६७ र ७४औं मिनेटमा गोल गरे । प्रिमियर लिगमा उनको यो पहिलो ह्याट्रिक हो ।

यो जितपछि लिड्स १० अंकसहित तेस्रो स्थानमा उक्लेको छ । एभर्टन १३ अंकसहित शीर्ष स्थानमा छ । भिल्ला भने १२ अंकसहित दोस्रो स्थानमा छ ।

प्रकाशित : कार्तिक ८, २०७७ ०७:१९
प्रतिक्रिया
पठाउनुहोस्

चेन्नईमाथि मुम्बईको १० विकेटको जित

एजेन्सी

सारजहा — डिफेन्डिङ च्याम्पियन मुम्बई इन्डियन्सले शुक्रबार इन्डियन प्रिमियर लिगमा गत वर्षको उपविजेता चेन्नई सुपर किंग्समाथि १० विकेटको जित निकालेको छ । जितपछि मुम्बई १४ अंकले शीर्ष स्थानमा रह्यो ।

मुम्बईसँगै दिल्ली क्यापिटल्स र रोयल च्यालेन्जर्स बेंगलोरको पनि समान १४ अंक छ । रन रेटका आधारमा मुम्बई अगाडि रहेको हो । चेन्नई भने ६ अंकसहित अन्तिम स्थानमा छ । यो नतिजासँगै उस चेन्नईको प्ले–अफको सम्भावना लगभग समाप्त भएको छ ।

मुम्बईले टस जितेर चेन्नईलाई पहिले ब्याटिङको निम्तो दिएको थियो । महेन्द्रसिंह धोनीको टिमले २० ओभरमा ९ विकेट गुमाएर १ सय १४ रन मात्र बनाउन सक्यो । टिमले एक समय तीन रन बनाउँदा चार विकेट गुमाइसकेको थियो ।

चेन्नईका लागि साम कुरानले अन्त्यमा ५२ रन बनाए । मुम्बईका लागि ट्रेन्ट बोल्टले १८ रन खर्चेर चार विकेट लिए । प्रत्युत्तरमा मुम्बईले विनाविकेटको क्षति १२.२ ओभरमा १ सय १६ रन बनायो । क्विन्टेन डे ककले ४६ र ईशान किसनले ६८ रन बनाए ।


प्रकाशित : कार्तिक ८, २०७७ ०७:१०
पूरा पढ्नुहोस्
प्रतिक्रिया
पठाउनुहोस्
×