ओजिल बाहिर, चेकभित्र

सन् २०२१ को जुनसम्म आर्सनलसँग अनुबन्धमा रहेका ३२ वर्षीय ओजिलले प्रतिसाता चार लाख ५२ हजार ८ सय ३० पारिश्रमिक लिन्छन् । क्लबको व्यवस्थापकमा मिखेल आर्टेटा आएपछि उनले आर्सनलका लागि खेलेका छैनन् । जर्मन प्लेमेकरले आर्सनलका लागि अन्तिम पटक मार्चमा खेलेका थिए ।

उनले पछिल्लो सिजनको युरोपा लिगको अन्तिम चरण खेलेको आर्सनलबाट पनि प्रतिस्पर्धा गरेनन् । यसको ठीक विपरीत संन्यास लिइसकेका चेक पूर्व गोलरक्षक पिटर चेकलाई भने चेल्सीले जारी गरेको खेलाडी सूचीमा राखिएको छ । उनले चेल्सीका लागि सन् २००४ देखि २०१५ सम्म खेलेका थिए । अहिले उनी स्टानफोर्ड ब्रिजमा प्राविधिक निर्देशक रहेका छन् ।

चेकले सन् २०१९ को मे महिनामा आर्सनलका लागि अन्तिम पटक खेलेर संन्यास लिएका थिए । त्यो संयोगले युरोपा लिगको फाइनलमा चेल्सीविरुद्धको हार नै रहेको थियो । चेल्सीका अनुसार कोभिड–१९ ले उत्पन्न गराएको विषम परिस्थितिका कारण चेकलाई टिममा समावेश गरिएको हो । टिममा उनलाई अनुबन्ध नभएका खेलाडीका रूपमा लिइनेछ ।