युभेन्टस बराबरीमा रोकियो- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

युभेन्टस बराबरीमा रोकियो

कान्तिपुर संवाददाता

टुरिन — इटालीको सिरी ए मा शनिबार युभेन्टसले क्रोटोनेसँग निराशाजनक १–१ को बराबरी खेलेको छ । लिगमा यस सिजन आफ्ना पछिल्ला सबै खेल गुमाएको क्रोटोनेले युभेन्ट्सविरुद्ध एक बहुमूल्य अंक हासिल गरेको हो ।

तीन साता अगाडि पनि युभेन्टसले एएस रोमासँग २–२ को बराबरी खेलेको थियो । पछिल्ला नौ लिग उपाधि लगातार जितेको युभेन्टस चार खेलबाट आठ अंकसहित चौथो स्थानमा छ ।

एसी मिलान चार खेलबाट १२ अंकमा शीर्ष स्थानमा छ । उसले शनिबारको मिलान डर्बीमा इन्टर मिलानलाई २–१ ले हराएको थियो ।

प्रकाशित : कार्तिक २, २०७७ ०७:५९
प्रतिक्रिया
पठाउनुहोस्

इंग्लिस प्रिमियर लिग : दुवै म्यानचेस्टर विजयी

एजेन्सी

म्यानचेस्टर — म्यानचेस्टर सिटीले इंग्लिस प्रिमियर लिगमा शनिबार आर्सनललाई १-० ले हराएको छ । त्यसमा रहिम स्टर्लिङले एक मात्र गोल गरे । सिटीको चार खेलबाट सात अंक भएको छ ।

यस्तै शनिबारको अर्को खेलमा म्यानचेस्टर युनाइटेडले न्युकासल युनाइटेडलाई ४–१ ले पराजित गर्‍यो । यसअघि टोटनहमसँग ६–१ ले पराजित भएयता युनाइटेड यो प्रभावशाली जित निकाल्न सफल भएको हो ।

यो जितपछि ओले गन सोल्सारको युनाइटेडको चार खेलबाट ६ अंक भएको छ र अझै १४ औं स्थानमा रहेको छ । यसअघि चेल्सीले साउथह्याम्पटनसँग ३–३ को बराबरी खेलेको थियो ।

प्रकाशित : कार्तिक २, २०७७ ०७:४८
पूरा पढ्नुहोस्
प्रतिक्रिया
पठाउनुहोस्
×