आईपीएल : दिल्ली बलियो स्थितिमा- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

आईपीएल : दिल्ली बलियो स्थितिमा

एजेन्सी

शारजहाँ — शिखर धवनको पहिलो शतकमा दिल्ली क्यापिटल्स शनिबार चेन्नई सुपर किंग्सलाई ५ विकेटले पराजित गरी इन्डियन प्रिमियर लिग (आईपीएल) को पुनः शीर्षस्थानमा पुगेको छ । गत वर्षको उपविजेतामाथि विजय हात पारेपछि दिल्लीले ९ खेलमा १४ अंक जोड्दै प्लेअफमा पुग्ने सम्भावना पनि बलियो बनाएको छ ।

टस जितेर ब्याटिङ गरेको चेन्नईले शारजहाँ क्रिकेट मैदानमा १७९–४ को स्कोर बनाएको थियो । लक्ष्य पछ्याउनेक्रममा दिल्लीलाई अन्तिम ओभरमा १७ रन चाहिएको थियो । पहिलो बलमा वाइडमा एक रन आउनुका अलावा धवनले १ रनमात्र बनाए । त्यसपछिको दुई बलमा लगातार छक्का र चौथो बलमा २ रन जोड्दै अक्षर पटेलले स्कोर बराबरी बनाए ।

पटेलले रवीन्द्र जडेजाको पाँचौं बलमा पनि छक्का प्रहार गर्दै दिल्लीलाई नाटकीय विजय दिलाए । पटेल ५ बलमा २१ रन बनाई अविजित रहे । म्यान अफ द म्याच धवनले ५८ बल खेल्दै १४ चौका र १ छक्का प्रहार गरे । कप्तान श्रेयस ऐर २३ र मार्कस स्टोइनिस २४ रनमा आउट भएका थिए । यसअघि चेन्नईबाट फाफ डु प्लेसिसले ५८, शेन वाटसनले ३६ रन बनाएका थिए । अम्बाती रायडु २५ बलमा १ चौका र ४ छक्कासहित ४५ र जडेजा १३ बलमा ४ छक्का प्रहार गरी ३३ रनमा अविजित रहे ।

बेंग्लोरको जितमा डी भिलियर्स चम्किए

दक्षिण अफ्रिकी ब्याट्सम्यान एबी डी भिलियर्सले फेरि एकपल्ट आक्रामक ब्याटिङ गर्दै इन्डियन प्रिमियर लिगमा रोयल च्यालेन्जर्स बेंग्लोरलाई राजस्थान रोयल्समाथि ७ विकेटको जित दिलाएका छन् । शनिबार पाएको यो जित बेंग्लोरको छैटौं हो । टोली १२ अंकसहित तेस्रो स्थानमा रह्यो ।

डी भिलियर्सले २२ बल सामना गरेर एक चौका र ६ छक्का प्रहार गरे । त्यसको मदतमा बेंग्लोरले १९.४ ओभरमा ३ विकेट गुमाएर १ सय ७९ रन बनायो । जितपछि कप्तान विराट कोहलीको बेंग्लोरको प्लेअफका लागि छनोट हुने सम्भावना बलियो भएको छ । कप्तान कोहली आफैं पनि ३२ बलमा ४३ रनको योगदान दिन सफल रहे । राजस्थानले भने टस जितेर पहिले ब्याटिङ गरेको थियो । यसक्रममा २० ओभरमा ६ विकेट गुमाएर १ सय ७७ रन बनायो । कप्तान स्टिभ स्मिथले सर्वाधिक ५७ रन बनाए । उनले ३६ बल खेल्दै ६ चौका र एक छक्का प्रहार गरे ।

प्रारम्भिक ब्याट्सम्यानको भूमिका ओर्लेका अनुभवी रोबिन उथप्पाले २२ बलमा ४१ रन बनाए । बेंग्लोरका क्रिस मोरिस सर्वाधिक सफल बलर रहे । उनले २६ रन खर्चेर ४ विकेट लिए । युजभेन्द्र चाहलले २ विकेट लिए । राजस्थानको योछैटौं हार हो । टोली तीन जितबाट ६ अंक बनाउँदै अंकतालिकामा पुछारबाट दोस्रोमा छ ।

प्रकाशित : कार्तिक २, २०७७ ०६:५९
प्रतिक्रिया
पठाउनुहोस्

एभरटन र लिभरपुल बराबरीमा

एजेन्सी

लिभरपुल — इंग्लिस प्रिमियर लिगको शीर्ष स्थानमा रहेको एभरटनले शनिबार डिफेन्डिङ च्याम्पियन लिभरपुललाई २–२ को बराबरीमा रोकेको छ ।

यो नतिजासँगै एभरटन यो सिजन लिगमा अपराजित रह्यो र उसको पाँच खेलबाट १३ अंक भएको छ ।

तर एभरटनले मर्सिसाइड डर्बीमा १० वर्षयता लिभरपुललाई हराउन सकेको छैन । १० खेलाडीमा सीमित एभरटनविरुद्ध इन्ज्युरी समयमा जोर्डन हेन्डरसनले गोल गरे पनि ‘भार’ले त्यसलाई मान्यता दिएन् र टिम जितबाट वञ्चित रह्यो ।

लिभरपुलको पाँच खेलबाट १० अंक भएको छ । लिभरपुलले दुई पल्ट अग्रता लिए पनि दुवै अवसरमा एभरटन खेलमा फर्कन सफल रह्यो । लिभरपुलले साडियो मानेले तेस्रो मिनेटमा गरेको गोलको मदतले सुरुआती अग्रता लिए ।

तर माइकल केनले १९ औं मिनेटमा बराबरी गोल फर्काए । मोहम्मद सलाहको गोलमा लिरभपुलले ७२ औं मिनेटमा अग्रता लियो । खेल सकिन नौ मिनेट अगाडि डोमिनिक क्लेभर्ट लेविनले फेरि बराबरी गोल गरे ।

प्रकाशित : कार्तिक १, २०७७ १९:३०
पूरा पढ्नुहोस्
प्रतिक्रिया
पठाउनुहोस्
×