इन्डियन प्रिमियर लिग : बेंगलोरको छैटौं जित- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

इन्डियन प्रिमियर लिग : बेंगलोरको छैटौं जित

(एजेन्सी)

दुबई — रोयल च्यालेन्जर्स बेंगलोरले शनिबार इन्डियन प्रिमियर लिगमा राजस्थानलाई ७ विकेटले हराएको छ । बेंगलोरको यो छैटौं जित हो र १२ अंकसहित तेस्रो स्थानमा रह्यो । जितले उसको प्ले अफ खेल्ने सम्भावना बढेको छ ।

बेंगलोरका लागि एबी डि भिल्लियर्सले २२ बलमा ५५ रन बनाए र नटआउट रहे । उनले १ चौका र ६ छक्का प्रहार गरे । कप्तान विराट कोहलीले ३२ बलमा ४३ रन बनाए । खेलमा राजस्थानले टस जितेर पहिले ब्याटिङ गर्ने क्रमलाई कायम राख्यो ।

यसक्रममा २० ओभरमा ६ विकेट गुमाएर १ सय ७७ रन बनायो । यसमा कप्तान स्टिभ स्मिथले सर्वाधिक ५७ रन बनाए । उनले ३६ बलमा ६ चौका र १ छक्का प्रहार गरे । प्रारम्भिक ब्याट्सम्यानको भूमिका आएका रोबिन उथप्पाले २२ बलमा ४१ रन बनाए । क्रिस मोरिसले २६ रनमा चार विकेट लिए ।


प्रकाशित : कार्तिक १, २०७७ १९:४८
प्रतिक्रिया
पठाउनुहोस्

धादिङमा कोरोना संक्रमणबाट थप १ को मृत्यु

कान्तिपुर संवाददाता

काठमाडौँ — धादिङमा कोरोना संक्रमणबाट थप १ जनाको मृत्यु भएको छ । त्रिपुरा सुन्दरी गाउँपालिका २ का ४५ वर्षीय पुरुषको शनिबार मृत्यु भएको स्वास्थ्य कार्यालय धादिङले जनाएको छ ।

यो सँगै धादिङमा कारोना संक्रमणबाट ज्यान गुमाउनेको संख्या ९ पुगेको छ ।

यस्तै पछिल्लो २४ घण्टामा धादिङमा ४६ जनामा कोरोना संक्रमण पुष्टि भएको छ । थपिएका संक्रमिहरु गल्छी गाउँपालिकाका १८ जना, त्रिपुरा सुन्दरी गाउँपालिकाका ८ जना, नीलकण्ठ नगरपालिकाका ८ जना, ज्वालामुखी गाउँपालिकाका ४ जना, सिद्धलेक गाउँपालिकाका ३ जना, थाक्रे गाउँपालिकाका ३ जना, गजुरी गाउँपालिकाका १ जना र धुनिबेंसी नगरपालिकाका १ जना गरी ४६ जना रहेका छन् ।

संक्रमितहरुमा ५ वर्षदेखि ७० वर्ष उमेर समूहका रहेको स्वास्थ्य कार्यालय धादिङका हेल्थ असिस्टेन्ट मिलन रिजालले जानकारी दिए । यो सँगै धादिङमा जम्मा संक्रमितको संख्या ८ सय ३६ पुगेको छ । संक्रमितमध्ये ४ सय २२ जना निको भएका हेल्थ असिस्टेन्ट रिजालले जनाएका छन् ।

प्रकाशित : कार्तिक १, २०७७ १९:४१
पूरा पढ्नुहोस्
प्रतिक्रिया
पठाउनुहोस्
×