वेस्ट ब्रुम र चेल्सीबीच रोमाञ्चक बराबरी- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

वेस्ट ब्रुम र चेल्सीबीच रोमाञ्चक बराबरी

रोयटर्स

लन्डन — ट्यामी इब्राहिमले खेलको अन्त्यतिर गरेको गोलमा चेल्सीले इंग्लिस प्रिमियर लिगमा शनिबार वेस्ट ब्रुमलाई ३–३ को बराबरीमा रोकेको छ । फ्रायन्क लाम्पार्डको खर्चालु टिम वेस्ट ब्रुमको घरेलु मैदानमा ३–० ले पछाडि परेको थियो ।

त्यसमा घरेलु टिमका लागि कलुम रोबिनसनले दुई र केली बार्टलीले एक गोल गरे । त्यसयता चेल्सीका तर्फबाट मेसन माउन्ट र कलुम हडसन ओडाईले गोल गरे । लिभरपुलसँग पराजित भएयता दबाबमा रहेको चेल्सीलाई यो बराबरीले ठूलो राहत दिनेछ ।

शनिबारकै अर्को खेलमा साउथह्याम्पटनले बर्नलीलाई १–० ले हरायो । यसअघि एभरटनले क्रिस्टल प्यालेसलाई २–१ ले हराएर लिग तालिकाको शीर्ष स्थान उक्लेको थियो । एभरटनको यो लगातार तेस्रो जित हो ।

प्रकाशित : आश्विन ११, २०७७ ०७:२५
प्रतिक्रिया
पठाउनुहोस्

इन्टरको उत्कृष्ट पुनरागमन

रोयटर्स

मिलान — इन्टर मिलानले नयाँ सिजनको पहिलो सिरी ‘ए’ जितका लागि शनिबार फियोरेन्टिनालाई ४–३ ले हराएको छ । खेलमा उत्कृष्ट पुनरागमन गरेको इन्टरले अन्तिम तीन मिनेटमा दुई गोल गरेको थियो ।

घरमा भएको खेलमा इन्टर ३–२ ले पछाडि रहेको स्थितिमा रोमेलु लुकाकु र ड्यानिलो डि’एबोसिओले गोल गरे । सन् २०१० लिगमा तीन पल्ट पछाडि परेको टिमले जित निकालेको यो पहिलो पल्ट हो ।

एन्टोनियो कोन्टेको इन्टर मिलान लिग उपाधिको होडमा युभेन्ट्सको प्रमुख प्रतिद्वन्द्वी रहेको छ । युभेन्ट्स यसपल्ट लगातार दसौं पटक लिग उपाधि जित्ने अभियानमा छ र यसमा इन्टर प्रमुख बाधा हुन सक्छ ।

प्रकाशित : आश्विन ११, २०७७ ०७:२४
पूरा पढ्नुहोस्
प्रतिक्रिया
पठाउनुहोस्
×