म्यानचेस्टर सिटीको प्रभावशाली जित- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

म्यानचेस्टर सिटीको प्रभावशाली जित

एजेन्सी

लन्डन — म्यानचेस्टर सिटीले इंग्लिस प्रिमियर लिगमा सोमबार उल्भ्सलाई ३–१ ले हराएर प्रभावाली जित हासिल गरेको छ ।  गत सिजन उल्भ्सले लिगका दुवै खेलमा सिटीलाई हराएको थियो ।

यसका केभिन डे ब्रुएना, फिल फोडेन र ग्याब्रिएल जिससले गोल गरे । उल्भ्सका तर्फबाट सम्भव भएको एक गोल जिमिनेजको नाममा रह्यो ।

अर्को खेलमा एस्टन भिल्लाले १० खेलाडीमा सीमित सेफिल्ड युनाइटेडलाई १–० ले हरायो ।त्यसमा इजरी कोन्साले निर्णायक गोल गरे । सेफिल्डको यो लगातार दोस्रो हार हो र यससँगै उसले लिगमा खराब सुरुवात गरेको छ। भिल्लाको भने यो पहिलो खेल हो ।

एसी मिलान विजयी

मिलान– एसी मिलानले इटालीको सिरी ए नयाँ सिजनको आफ्नो पहिलो खेलमा बोलोग्नालाई १–० ले हराएको छ । मिलानका लागि दुवै गोल ज्लाटन इब्रामोभिचले गरे ।

प्रकाशित : आश्विन ६, २०७७ ०७:३०
प्रतिक्रिया
पठाउनुहोस्

जोकोभिचले जिते इटालियन मास्टर्स

रोयटर्स

रोम — विश्व नम्बर १ नोभाक जोकोभिचले सोमबार इटालियन ओपन जितेका छन् । उनले यसका लागि अर्जेन्टिनाका डिएगो स्वार्टजमनलाई ७–५ र ६–३ ले हराए ।

जोकोभिचले एटीपी मास्टर्सको उपाधि जितेको यो ३६औं पटक हो । आफ्नो खेलजीवनको पहिलो एटीपी फाइनल खेलिरहेका स्वार्टजमनले पहिलो सेटमा ३–० को अग्रता लिएर पनि खेल सिधा सेटमा गुमाएका हुन् ।


यूएस ओपनमा खेल्न अयोग्य भन्दै निष्कासित गरिएपछि जोकोभिचले खेलेको यो पहिलो प्रतियोगिता हो र यसमा उनी उपाधि जित्न पनि सफल रहे । अब अर्को साता फ्रेन्च ओपन सुरु हुनेछ । त्यसमा उनी आफ्नो चुनौती पेस गर्न उत्रनेछन् ।

प्रकाशित : आश्विन ६, २०७७ ०७:२८
पूरा पढ्नुहोस्
प्रतिक्रिया
पठाउनुहोस्
×