दिल्लीमा स्थान पाउन चर्को प्रतिस्पर्धा

कोरोना भाइरस संक्रमणको महामारीका कारण भारतबाहिर हुन लागेको यसपल्टको आईपीएल सेप्टेम्बर १९ देखि नोभेम्बर १० सम्म दुबई, अबुधाबी र शारजहाँका रंगशालामा हुनेछन् । सन् २००८ देखि अहिलेसम्म आईपीएलको उपाधि चुम्न असफल रहँदै आएको दिल्ली यसपालि शीर्ष चारका लागि बलियो प्रत्याशी रहेको छ ।

पोन्टिङले प्रतियोगिताको पूर्वसन्ध्यामा ट्वीट गरेका छन्, ‘सबै प्रतियोगिताको व्यग्र प्रतीक्षामा छन् । हाम्रो पहिलो खेल आइतबार छ । अभ्यासमा सबै खेलाडी उत्कृष्ट देखिएका छन् र सुरुआती ११ खेलाडीमा पर्न यी खेलाडीबीच चर्को प्रतिस्पर्धा हुने निश्चित छ । यो यस्तो गाह्रो स्थिति हो, जसको अपेक्षा भने प्रशिक्षकले गरेको हुन्छ, प्रशिक्षकले चाहने यस्तै हो ।’

अस्ट्रेलियाली लिजेन्डको नेतृत्वमा दिल्लीले गत सिजन प्लेअफ खेलेको थियो । यसपल्ट त्योभन्दा राम्रो प्रदर्शनका आस उनले गरेका छन् । शनिबार हुने प्रतियोगिताको पहिलो खेलमा डिफेन्डिङ च्याम्पियन मुम्बई इन्डियन्सले गत वर्षको उपविजेता चेन्नई सुपर किंग्सको सामना गर्नेछ । त्यसलगत्तै आइतबार दिल्लीले आफ्नो चुनौती पेस गर्नेछ ।