सन्दीपको जमैका पराजित

जितका लागि १ सय ३६ रनको लक्ष्य पाएको ट्रिनबागोलले १८.१ ओभरमा ३ विकेट गुमाएर आवश्यक रन बनाएको थियो । जमैकाले बलियो लक्ष्य तयार पार्न नसक्नु हारको कारण रह्यो ।

सन्दीपले फेरि एकपल्ट आफ्नो प्रतिष्ठाअनुसार बलिङ गर्दै ४ ओभरमा ३० रन दिएर १ विकेट लिए । ट्रिनबागोका लागि सुनिल नारानले सर्वाधिक ५३ रन बनाए र सन्दीपले उनकै विकेट लिए ।

यसअघि टस हारेर पहिले ब्याटिङ गरेको जमैकाले २० ओभरमा आठ विकेट गुमाएर १ सय ३५ रन मात्र बनाउन सकेको थियो । त्यसमा ट्रिनबागोको कसिकसाउ बलिङ अगाडि जमैकाका ब्याट्सम्या खुलेर खेल्न सकेनन् ।

ग्लेन फिलिप्सले सर्वाधिक ५८ रन बनाए । अरू ब्याट्सम्यानले खासै योगदान दिन सकेनन । सन्दीप ब्याटिङका लागि क्रिजमा आए पनि उनले कुनै बलको सामना गर्नु परेन ।