च्याम्पिन्स लिग अब ‘मिनी टुर्नामेन्ट’- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

च्याम्पिन्स लिग अब ‘मिनी टुर्नामेन्ट’

एजेन्सी

पेरिस — अन्तिम १६ का सबै खेलको समाप्तीमा यो सिजनको युरोपेली च्याम्पियन्स लिगले अब ‘मिनी टुर्नामेन्ट’ को स्वरूप लिनेछ । नकआउटका रूपमा अगाडि बढ्ने प्रतियोगिता अब पोर्चुगलको लिस्वनमा हुनेछ ।

अन्तिम आठका खेल अब बुधबारदेखि सुरु हुनेछ र फाइनल अगस्ट २३ मा रहेको छ । प्रतियोगिताको अन्तिम आठ पुगेका टिममा युरोपका प्रमुख पाँच लिगकै रहेका छन् ।

क्वाटरफाइनल पुग्ने टिममा स्पेनी ला लिगा, जर्मन बुंडेसलिगा र फ्रान्सेली लिग वानका दुई दुई टिम छन् । यस्तै इंग्लिस प्रिमियर लिग र इटालीको सिरी ए को एक एक टिमको प्रतिनिधित्व रहेको छ ।

यस्तो छ क्वाटरफाइनल खेल तालिका :

मिति : टिम

अगस्ट १२ : एटलान्टाविरुद्ध पेरिस सेन्ट जर्मेन (पीएसजी)

अगस्ट १३ : लाइपजिगविरुद्ध एटलेटिको म्याड्रिड

अगस्ट १४ : बार्सिलोनाविरुद्ध बायर्न म्युनिक

अगस्ट १५ : म्यानचेस्टर सिटीविरुद्ध लियोन

प्रकाशित : श्रावण २५, २०७७ ०८:३६
प्रतिक्रिया
पठाउनुहोस्

चेल्सीमाथि बायर्नको एकपक्षीय जित

रोयटर्स

म्युनिक — रोवर्टो लेवनडोस्कीले दुई गोल गर्दै अर्को दुईमा अवसर सिर्जना गरेपछि बायर्न म्युनिकले शनिबार युरोपेली च्याम्पियन्स लिग अन्तिम १६ को दोस्रो लेगमा चेल्सीलाई ४–१ ले हरायो र क्वाटरफाइनल प्रवेश गर्न सफल रह्यो ।

यो सिजन तीन उपाधिको अभियानमा रहेको बायर्नले चेल्सीमाथि समग्रमा ७–१ को एकपक्षीय जित निकाल्न पनि सफल रह्यो । बायर्नले यसअघि जर्मनमा लिग र कप दुवै जितेको थियो ।

अब अन्तिम आठमा उसको सामना बार्सिलोनासँग रहेको छ । उत्कृष्ट लयमा रहेको बायर्नका लागि सबै प्रतियोगिता गरेर यो लगातार १८ औं जित पनि रह्यो ।

स्टायनफोर्ड ब्रिजमा भएको पहिलो लेगको खेलमा बायर्न ३–० ले विजयी रहेको थियो । बायर्नका लागि इभान पेरिसिच र कोरेनटिन टोलिसोले पनि गोल गरे । चेल्सीले गरेको सान्त्वना गोल टोमी अब्राहमको नाममा रह्यो ।

प्रकाशित : श्रावण २५, २०७७ ०८:३२
पूरा पढ्नुहोस्
प्रतिक्रिया
पठाउनुहोस्
×