चेल्सीमाथि बायर्नको एकपक्षीय जित

यो सिजन तीन उपाधिको अभियानमा रहेको बायर्नले चेल्सीमाथि समग्रमा ७–१ को एकपक्षीय जित निकाल्न पनि सफल रह्यो । बायर्नले यसअघि जर्मनमा लिग र कप दुवै जितेको थियो ।

अब अन्तिम आठमा उसको सामना बार्सिलोनासँग रहेको छ । उत्कृष्ट लयमा रहेको बायर्नका लागि सबै प्रतियोगिता गरेर यो लगातार १८ औं जित पनि रह्यो ।

स्टायनफोर्ड ब्रिजमा भएको पहिलो लेगको खेलमा बायर्न ३–० ले विजयी रहेको थियो । बायर्नका लागि इभान पेरिसिच र कोरेनटिन टोलिसोले पनि गोल गरे । चेल्सीले गरेको सान्त्वना गोल टोमी अब्राहमको नाममा रह्यो ।