मेसी प्रेरित बार्सिलोना अन्तिम आठमा

बार्सिलोना च्याम्पियन्स लिगको क्वाटरफाइनल पुगेको यो लगातार १३ औं सिजन हो । अब सेमिफाइनल प्रवेशका लागि बार्सिलोनाले बायर्न म्युनिकको सामना गर्नेछ ।

क्याम्प नुमा प्राप्त दोस्रो लेगको जितमा बार्सिलानाका लागि क्लेमेन्ट लेनग्लेट, मेसी र लुइस स्वारेजले गोल गरे । टिमको दोस्रो गोलका लागि मेसीले विपक्षी चार डिफेन्डरलाई छलाएर बललाई घुमाउने बाटो दिएका थिए । नेपोलीका तर्फबाट लोरेन्जो इनसिग्नेले एक गोल फर्काए ।