मेसी प्रेरित बार्सिलोना अन्तिम आठमा- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

मेसी प्रेरित बार्सिलोना अन्तिम आठमा

रोयटर्स

बार्सिलोना — लियोनल मेसीको प्रेरणादायी उत्कृष्ट प्रदर्शनको मद्दतले बार्सिलोनाले शनिबार नेपोलीलाई ३–१ ले हराएर युरोपेली च्याम्पियन्स लिगको अन्तिम आठमा प्रवेश गरेको छ । बार्सिलोना दुई टाइको खेलपछि समग्रमा ४–२ ले अगाडि रह्यो ।

बार्सिलोना च्याम्पियन्स लिगको क्वाटरफाइनल पुगेको यो लगातार १३ औं सिजन हो । अब सेमिफाइनल प्रवेशका लागि बार्सिलोनाले बायर्न म्युनिकको सामना गर्नेछ ।

क्याम्प नुमा प्राप्त दोस्रो लेगको जितमा बार्सिलानाका लागि क्लेमेन्ट लेनग्लेट, मेसी र लुइस स्वारेजले गोल गरे । टिमको दोस्रो गोलका लागि मेसीले विपक्षी चार डिफेन्डरलाई छलाएर बललाई घुमाउने बाटो दिएका थिए । नेपोलीका तर्फबाट लोरेन्जो इनसिग्नेले एक गोल फर्काए ।

प्रकाशित : श्रावण २५, २०७७ ०८:२२
प्रतिक्रिया
पठाउनुहोस्

कोरोनाबाट पोखरामा एकको मृत्यु

लालप्रसाद शर्मा

पोखरा — पोखरा स्वास्थ्य विज्ञान प्रतिष्ठानको कोभिड–१९ उपचार केन्द्रमा उपचाररत एक कोरोना संक्रमितको मृत्यु भएको छ । पोखरा–१९ का ६२ वर्षीय पुरुषको शनिबार राति मृत्यु भएको हो ।

आईसीयूमा राखेर उपचार गरिरहेकै अवस्थामा राति ११ः३५ मा उनको मृत्यु भएको पश्चिमाञ्चल क्षेत्रीय अस्पतालले विज्ञप्तिमार्फत जनाएको छ ।

अस्पतालका निर्देशक अर्जुन आचार्यका अनुसार मधुमेह रोगबाट समेत पीडित उनी साउन १७ मा अस्पताल भर्ना भएका थिए । यससँगै कोरोना भाइरसबाट गण्डकी प्रदेशमा मृत्यु हुनेको संख्या ५ पुगेको छ । यसअघि स्याङ्जाका दुई, बागलुङ र गोरखाका एक/एक जनाको मृत्यु भएको थियो ।

प्रकाशित : श्रावण २५, २०७७ ०८:२०
पूरा पढ्नुहोस्
प्रतिक्रिया
पठाउनुहोस्
×