नाडालले यूएस ओपन नखेल्ने
न्युयोर्क — डिफेन्डिङ च्याम्पियन राफेल नाडालले अर्को महिना सुरु हुने यूएस ओपन नखेल्ने मंगलबार घोषणा गरेका छन् । कोरोना महामारीलाई कारण देखाउँदै यी स्पेनी खेलाडीले प्रतियोगिता नखेल्ने बताएका हुन् ।
अगस्ट १३ बाट न्युयोर्कमा यो वर्षको यूएस ओपन सुरु हुनेछ । आफूले गत वर्ष जितेको उपाधिरक्षा नगर्ने घोषणा गर्दै ३४ वर्षीय नाडालले भनेका छन्, ‘अहिले पूरा विश्वमा स्वास्थ्यस्थिति ठिक छैन, त्यसैले यूएस ओपन नखेल्नु नै ठिक हुनेछ ।’
सर्बियाका नोभाक जोकोभिच र अमेरिकाका सेरेना विलियम्सले भने प्रतियोगिता खेल्ने बताइसकेका छन् । प्रतियोगिता दर्शकविनै हुनेछ । चोटग्रस्त घुँडाको शल्यक्रिया गराएका रोजर फेडेरर पनि यसपल्ट प्रतियोगितामा अनुपस्थित रहनेछन् ।
प्रकाशित : श्रावण २१, २०७७ ०६:४५प्रतिक्रिया