ब्रेन्टफोर्डलाई हराएर फुलहम प्रिमियर लिगमा

वेम्बलीमा भएको फाइनलमा निर्धारित ९० मिनेटको गोलरहित बराबरीमा रहेपछि फुलहमका लागि डिफेन्डर जोए ब्रायनले दुई गोल गरे । हेनरिक डाल्सगार्डले अन्त्यमा एक सान्त्वना गोल फर्काए । ब्रायनले १ सय ५ औं मिनेटमा पहिलो गोल गरे ।

उनले अतिरिक्त समय सकिन तीन मिनेट अगाडि आफ्नो दोस्रो गोल थपे । डाल्सगार्डको गोल भने १ सय २४ औं मिनेटमा सम्भव भएको थियो । ब्रेन्टफोर्ड च्याम्पियनसिप प्ले अफमा पराजित भएको यो चौथो पल्ट हो ।