कान्तिपुर वेबसाईट
AdvertisementAdvertisement

आयरल्यान्डविरुद्ध इंग्ल्यान्ड ६ विकेटले विजयी

एजेन्सी

लन्डन — इंग्ल्यान्डले पहिलो वान डेमा बिहीबार आयरल्यान्डलाई ६ विकेटले हराएको छ । जितका लागि १ सय ७३ रनको लक्ष्य पाएको इंग्ल्यान्डले २२.१ ओभर बाँकी छँदै जित निकालेको हो ।

टेस्ट खेलिरहेको टिम अलग्गै रहेको हुनाले इंग्ल्यान्ड अधिकांश पहिलो रोजाइका खेलाडीबिना उत्रेको थियो । एक समय ७८ रन बनाउँदासम्म चार विकेट गुमाएको इंग्ल्यान्डका लागि इओन मोर्गन र साम बिलिङ्सले पाँचौ विकेटका लागि ९६ रनको नटआउट साझेदारी गरे ।

यसअघि आयरल्यान्डलाई सस्तोमा समेट्न डेबिड विलीले प्रमुख भूमिका खेले र उनले पहिलो पाँच विकेटको अन्तर्राष्ट्रिय बलिङ प्रदर्शन गरे । विश्वकप सुपर लिगको यो पहिलो खेल जितेर इंग्ल्यान्डले १० अंक हात पारेको छ ।

यस्तै तीन खेलको सिरिजमा इंग्ल्यान्डले १–० को अग्रता पनि लिएको छ ।

प्रकाशित : श्रावण १६, २०७७ ०६:२०
प्रतिक्रिया
पठाउनुहोस्

एके बर्नमाउथबाट म्यानचेस्टर सिटीमा

एजेन्सी

लन्डन — इंग्लिस प्रिमियर लिगबाट रेलिगेसनमा परेको बर्नमाउथले आफ्ना डिफेन्डर नथान एकेलाई म्यानचेस्टर सिटीलाई बेच्न बिहीबार तयार भएको छ । त्यस अनुसार सिटीले डच खेलाडीका लागि ४ करोड १० लाख पाउन्ड तिर्नेछ । 

सन् २०१७ मा बर्नमाउथ आएका २५ वर्षीय एकेले उसका लागि १ सय २१ खेल खेले । सिटीका व्यवस्थापक पेप ग्वार्डिओला भने टिमको
रक्षापंक्ति सुधार गर्ने क्रममा छन् र यसकै लागि उनले एकेलाई भित्र्याएका हुन् ।

हालै सकिएको प्रिमियर लिगमा बर्नमाउथ १८ औं स्थानमा रहेर रेलिगेसनमा परेको थियो भने सिटीले दोस्रो स्थान हात पारेको थियो ।
यस सिजन लिगका सबै ३८ खेलखेलेका एकेले यसअघि चेल्सी, वाटफोर्ड र रिडिङका लागि खेलिसकेका छन् ।


प्रकाशित : श्रावण १५, २०७७ १८:०९
पूरा पढ्नुहोस्
प्रतिक्रिया
पठाउनुहोस्
×