बार्सिलोनासँग हारेपछि इस्पान्योल रेलिगेसनमा
म्याड्रिड — स्पेनी ला लिगामा बार्सिलोनाले बुधबार आफ्नो छिमेकी इस्पान्योललाई १–० ले हरायो र उपाधि होडका रियल म्याड्रिडमाथि दबाब कायम राख्यो । खेलको निर्णायक गोल लुइस स्वारेजले गरे ।
यो खेलपछि अंक तालिकाको अन्तिम स्थानमा रहेको इस्पान्योल भने रेलिगेसनमा परेको छ । इस्पान्योल बार्सिलोना सहरकै दोस्रो ठूलो क्लब हो र यसपल्ट रेलिगेसनमा परेपछि अर्को सिजन ला लिगामा डर्बी खेल हुने छैन।
बार्सिलोनाको भने ७६ अंक भएको छ र यो एक खेल कम खेलेको रियलसँग एक अंकको दूरी हो । बुधबारकै अन्य खेलमा रियल बेटिसले ओसासुनालाई ३–० र भिल्लारियलले गेटाफेलाई ३–१ ले हरायो ।
प्रकाशित : असार २५, २०७७ ०७:१९