मिलानसँग युभेन्टस पराजित
मिलान — एसी मिलानले दोस्रो हाफको पाँच मिनेटमा तीन गोल गरेपछि युभेन्टलाई मंगलबार आश्चर्यजनक रुपमा ४–२ ले हराएको छ । खेलमा इटालीको सिरी ए को शीर्ष स्थानमा रहेको युभेन्टसले सुरुमा दुई गोलको अग्रता लिएको थियो ।
कोरोना भाइरस संक्रमणको महामारीले रोकिएको लिग गत महिना फेरि सुरु भएयता युभेन्टसले अंक गुमाएको यो पहिलो पल्ट हो । एडरिन राबिट र क्रिस्टियानो रोनाल्डोको गोलले युभेन्टसले सहज अग्रता बनाएको थियो ।
रोनाल्डोको यो २६ औं गोल थियो । ज्लाटन इब्राहिमोभिचले ६२ औं मिनेटमा पेनाल्टीबाट गोल गरेपछि मिलानको पुर्नउत्थान सुरु भएको हो । त्यसपछि फ्रायन्क केसीले बराबरी गोल गरे ।
त्यसपछि युभेन्टस खेलमा फर्कन सकेन र मिलानका लागि राफेल लियोओ एन्टे राबेचले विजयी गोल गरे । त्यस अगाडि लाजियो पनि लेचेको हातबाट २–१ ले पराजित रहेको थियो ।
प्रकाशित : असार २४, २०७७ ०८:३३