एटलेटिको बराबरीमा रोकियो
म्याड्रिड — एटलेटिको म्याड्रिडले स्पेनी ला लिगा फेरि सुरु भएयता तेस्रो पल्ट अंक गुमाउने क्रममा मंगलबार सेल्टा भिगोसँग १–१ को बराबरी खेलेको छ । एटलेटिकोले एल्भारो मोराटाको गोलले अग्रता लिएको थियो ।
तर दोस्रो हाफमा फ्रान बेलट्रानले बराबरी गोल फर्काए । यो नतिजापछि तेस्रो स्थानको एटलेटिकोको ६३ अंक भएको छ र उसको च्याम्पियन्स लिगमा छनोटको अझ नजिक पुगेको छ ।
मंगलबारको अर्को खेलमा भ्यालेन्सियाले भालाडोलिडलाई २–१ ले हराएको छ । भ्यालेन्सिया ५० अंकमा लिग तालिकाको आठौं स्थानमा उक्लिन सफल रह्यो ।
प्रकाशित : असार २४, २०७७ ०८:३७प्रतिक्रिया