सेभिया ला लिगाको चौथो स्थानमा
म्याड्रिड — स्पेनी ला लिगामा सेभियाले सोमबार आइबरलाई १–० ले हरायो र चौथो स्थानमा आफ्नो पकड बलियो बनायो । चौथो स्थानको सेभियाको ६० अंक भएको छ र यो पाँचौंको भिल्लारियलमाथि ६ अंकको अग्रता हो ।
सेभियाको जितमा लुकास ओकम्पोसले निर्णायक गोल गरे । शीर्ष चारको प्रत्यासी रहेको रियल सोसिडाड भने अर्को खेलमा लेभान्टेसँग १–१ को बराबरीमा रोकियो ।
यो नतिजाले सोसिडाडको शीर्ष चारको सम्भावना लगभग समाप्त भएको छ । कोरोना भाइरस संक्रमणको महामारीले खेल रोकिन अगाडि सोसिडाड अंक तालिकाको चौथो स्थानमा थियो ।
तर अहिले झरेर सातौं स्थानमा पुगेको छ र अब उसको अर्को सिजन युरोपमा खेल्न सम्भावना पनि कमजोर बनेको छ ।
प्रकाशित : असार २३, २०७७ ०६:४५