भलिबलको प्रमुख प्रशिक्षकमा सिंह
काठमाडौँ — नेपाली भलिबलको प्रमुख प्रशिक्षकमा प्रज्वलबहादुर सिंह नियुक्त भएका छन् । असार १० गतेको राखेप सदस्य–सचिव स्तरीय निर्णयानुसार उनलाई प्रमुख प्रशिक्षकमा नियुक्त गरिएको हो ।
काठमाडौं जिल्लामा कार्यरत प्रशिक्षक सिंहलाई समान पद, श्रेणी तथा सेवा कायम रहने गरी प्रमुख प्रशिक्षकमा नियुक्त गरिएको तालिम तथा प्रशिक्षण विभागका निर्देशक अर्जुनबहादुर विकले जानकारी गराएका छन् ।
२०५२ सालमा सहायक प्रशिक्षकमा राष्ट्रिय खेलकुद परिषद्मा नियुक्त सिंह २०६४ सालमा प्रशिक्षकमा बढुवा भएका थिए । ब्रह्म स्पोर्टस क्लबबाट भलिबल खेल्ने सिंह आफ्ना बेलाका राम्रा खेलाडीमा गनिन्थे ।
प्रकाशित : असार १५, २०७७ ११:४७प्रतिक्रिया