लाजियोको लगातार २१ खेलको अपराजित यात्रा टुंगियो

फेब्रुअरी २९ पछि पहिलो खेल खेलिरहेको लाजियोले दुई गोलको अग्रता गुमाउँदा चौथो स्थानमा रहेको एटलान्टाले उत्कृष्ट पुनरागमन रच्यो । लाजियोले मार्टिन डे रनको आत्मघाती गोलले अग्रत लिएयता सर्गेज मिनिकोभिचले दोस्रो गोल थपे ।

एटलान्टाका लागि रोबिन जोसेन्स, रुस्लान मिलिनोभस्कयी र जोसे लुइसले गोल गरे । सन् २००० मा अन्तिम पटक लिग जितेको लाजियो सेप्टेम्बर २५ यता लगातार २१ खेलको अपराजित यात्रामा थियो । बुधबारकै अर्को खेलमा तेस्रो स्थानमा रहेको इन्टर मिलानले ससुलोसँग ३–३ को बराबरी खेल्यो ।