बर्नलीविरुद्ध म्यानचेस्टर सिटीको पाँच गोल

इतिहाडमा भएको खेलमा सिटीले आठ खेलाडी परिवर्तन गरेर टिम उतारे पनि कमजोर बर्नलीविरुद्ध प्रभावशाली जित निकालेको हो । यो जितपछि सिटीले शीर्ष स्थानमा रहेको लिभरपुलविरुद्धको अन्तर २० अंकमा पुर्‍याएको छ ।

सब्स्टिच्युटमा नौ खेलाडी राख्न पाउनेमा बर्नली व्यवस्थापकले सात खेलाडीको नाम मात्र बुझाउन सकेका थिए । त्यसमा पनि दुई गोलरक्षक थिए । बर्नलीका चार प्रमुख खेलाडीले अनुबन्ध बढाउनेमा हस्ताक्षर गर्न अस्विकार गरेका छन् ।

फोडेनले २२ औं मिनेटमा पहिलो गोल गरे भने ६३ औ मिनेटमा उनले आफ्नो दोस्रो गोल थप्दै सिटीलाई पाँच गोलले अगाडि राखे । यसबीच रियादले दुई गोल गरे र यसमा एक गोल पेनाल्टीमा सम्भव भएको थियो ।

खेलको चौथो गोल ५१औं मिनेटमा डेविड सिल्भाले गरेका थिए ।