माइन्जसँग डर्टमन्ड स्तब्ध- खेलकुद - कान्तिपुर समाचार

माइन्जसँग डर्टमन्ड स्तब्ध

एएफपी

बर्लिन — कमजोर मानिएको माइन्जका लागि १९ वर्षीय जोनाथन बुरकार्डटले  माथिल्लो डिभिजनमा पहिलो गोल गरेपछि जर्मन बुन्डेसलिगामा बोरुसिया डर्टमन्डले बुधबार राति २–० को स्तब्धपूर्ण हार बेहोरेको छ ।

यो जितपछि माइन्ज रेलिगेसनबाट बच्ने लगभग निश्चित जस्तै भएको छ । दोस्रो स्थानमा रहेर युरोपेली च्याम्पियन्स लिगका लागि छनोट पनि भइसकेको डर्टमन्डमा खेलप्रतिको समर्पण कम देखिएको थियो ।

बुधबारका अन्य खेलमा बायार लेवरकुसनले कोल्नलाई ३–१ ले हराएर फेरि शीर्ष चारमा उक्लिन सफल रह्यो । तेस्रो स्थानको लाइपजिगले भने फोर्टुना डुलसफोर्डसँग २–२ को बराबरी खेल्यो ।होफनहाइमले भने आउग्सबर्गलाई ३–१ ले हरायो ।

प्रकाशित : असार ४, २०७७ ०७:१९
प्रतिक्रिया
पठाउनुहोस्

बराबरीले सेभियालाई घाटा

एएफपी

म्याड्रिड — अर्को सिजन युरोपेली च्याम्पियन्स  लिगमा छनोट हुने सेभियाको अभियानमा सोमबार धक्का पुगेको छ । डिएगो कार्लोसले आत्मघाती गोल गरेपछि सेभियाले लेभान्टेसँग १–१ को बराबरीमा चित्त बुझायो ।

जुलियन लेपोटेगीको टिम सेभिया तेस्रो स्थानमा छ । उसलाई पाँचौंमा रहेको गेटाफेमाथि ५ अंकको अग्रता प्राप्त छ ।

यस्तै पाँचपल्टको युरोपा लिग विजेता सेभिया चौथो स्थानको रियल सोसिडाडभन्दा चार अंकले अगाडि छ । सेभियासँगै एट्लेटिको म्याड्रिड, भ्यालेन्सिया, ग्रेनेडा र भिल्लारियल लिगको तेस्रो र चौथो स्थान हात पार्ने अभियानमा छन् । गेटाफेविरुद्ध सेभियाले लुक डे जोङको गोलले अग्रता लिएको थियो ।

बराबरीले १२औं स्थानमा रहेको लेभान्टे रेलिगेसन क्षेत्रबाट १० अंक अगाडि रहन सफल रह्यो । उसका लागि लिगमा ९ चरणका खेल हुन बाँकी छ । सोमबार रातिको अर्को खेल पनि बराबरीमा टुंगिएको छ । त्यसमा रियल बेटिस र ग्रेनेडाले २–२ को बराबरी खेले । नाटकीय त्यस खेलमा अन्तिम ३ गोल ६ मिनेटको अन्तरमा सम्भव भएको थियो ।

प्रकाशित : असार २, २०७७ ०७:१६
पूरा पढ्नुहोस्
प्रतिक्रिया
पठाउनुहोस्
×