स्पेनमा फुटबल फर्कियो, सेभिया विजयी

जर्मनीपछि स्पेन फुटबल फेरि सुरु हुने यो खेलका पाँच प्रमुख युरोपेली देशमध्ये दोस्रो भएको छ । कोरोना भाइरस संक्रमणको महामारीले फुटबल रोकिएको स्थितिमा थियो । जर्मन बुन्डेसलिगा मे १६ बाट सुरु भएको थियो ।

सेभिया डर्बी स्पेनमा सर्वाधिक तनावपूर्ण खेलमध्ये एक रहेकोमा यसपल्ट रोमन सान्चेजन पिजुन रंगशाला दर्शनविहीन रहेको थियो । तर घरेलु टिमका केही समर्थक खेल सुरु हुनुअगाडि रंगशालाबाहिर जम्मा भएका थिए ।

मार्च १० यता स्पेनमा माथिल्लो डिभिजनको फुटबल भएको यो पहिलोपल्ट हो । यो कदमले अब इंग्ल्यान्डमा पनि फेरि फुटबल सुरु गर्न प्रोत्साहन मिल्नेछ । इंग्लिस प्रिमियर लिग र सिरी ए अर्को सातादेखि सुरु हुनेछ ।

यता मैदानमा भने सेभियाले लुकास आमापोसको गोलले ५६ औं मिनेटमा अग्रता लिएको थियो । फर्नान्डो रेगेसले दोस्रो गोल थपे । यो जितपछि तेस्रो स्थानमा रहेको सेभियाको ५० अंक भएको छ । ला लिगालाई ३९ दिनभित्र आफ्ना बाँकी सबै खेल सकाउने चुनौती छ ।