इंग्ल्यान्डले जुलाईमा वेस्ट इन्डिजविरुद्ध खेल्ने

बोर्डका अनुसार जुलाई ८ देखि १२ सम्म पहिलो टेस्ट साउथह्याम्पटनमा हुनेछ । दोस्रो टेस्ट जुलाई १६ देखि २० तथा तेस्रो टेस्ट जुलाई २४ देखि २८ बीच म्यानचेस्टरमा हुनेछ ।

कोरोना भाइरस संक्रमणको महामारीका कारण यो टेस्ट सिरिज पछाडि सारिएको हो । अघिल्लो साता मात्र वेस्ट इन्डिज जुन ९ मा इंग्ल्यान्ड आउन तयार भएको हो ।

पाहुना टिमले साउथह्याम्पटन जानुअगाडि म्यानचेस्टरमा तीन साता क्वारेन्टाइनमा बिताउनेछ । यसका लागि टेस्ट हुने मैदानछेउमै होटल व्यवस्था गरिएको छ ।