हाभेर्ट्जको कीर्तिमानी गोलसँगै लेवरकुसन तेस्रो स्थानमा

भर्खर २० वर्ष छोएका हाभेरट्ज यति कम उमेरमा लिगमा ३५ गोलको उपलब्धि छुने पहिलो खेलाडी भएका छन् । लियोन बेलीको पासमा उनले आठौं मिनेटमा निर्णायक गोल गरे ।

जर्मनीको माथिल्लो डिभिजनमा सबैभन्दा कम उमेरमा ५० र १०० औं खेल खेलेका यी जर्मन खेलाडीले सन् २०१७ मा लेवरकुसनका लागि सबैभन्दा कम उमेरमा गोलको खाता पनि खोलेका थिए ।

कोरोना भाइरस संक्रमणको महामारीबीच फेरि सुरु भएको बुन्डेसलिगाका चार खेलमा हाभेरट्जको यो पाँचौ गोल हो । लेवरकुसनलाई अब चौथो स्थानमा लाइपजिगमाथि एक अंकको अग्रता पनि प्राप्त भएको छ ।