ईपीएलमा ‘कन्ट्याक्ट’ प्रशिक्षणका लागि मतदान हुँदै

बेलायती सरकारले आइतबार मात्रै ‘कन्ट्याक्ट’ प्रशिक्षणको अनुमति दिएको थियो । यसले खेलाडीलाई खेलका क्रममा स्वाभाविक रूपमा मैदानमा फर्कन मद्दत गर्नेछ । गत साता मात्रै क्लबले सानो समूह बनाएर सामाजिक दूरी कायम राख्दै प्रशिक्षण सुरु गरेका थिए ।

मतदानमा लिगका २० क्लबको सहभागिता रहनेछ । बुधबार नै खेलाडी र खेल पदाधिकारीमा लिइएको अन्तिम चरणको कोभिड १९ परीक्षणको नतिजा पनि आउनेछ । अहिलेसम्म निकै कम संख्यामा मात्र खेलाडी र खेल पदाधिकारीमा कोभिड १९ परीक्षणको ‘पोजिटिभ’ नतिजा आएको हुनाले लिग जुनमै फेरि सुरु गर्न सकिने सम्भावना बढेको छ ।