भारतलाई ओलम्पिकमा स्वर्ण जिताउने हकी खेलाडी बलवीर सिंहको निधन

बलवीर सिंह सिनियरका नामले परिचित उनले भारतलाई तीन पटक ओलम्पिक पदक जिर्ताका थिए । त्यस्तै ओलम्पिकको फाइनलमा सबैभन्दा बढी गोल गर्ने रेकर्ड पनि उनको नाममा रहेको छ । सन् १९५२ मा हेलसिन्कीमा आयोजित ओलम्पिकमा नेदरल्यान्ड्सविरुद्धको खेलमा ५ गोल गरेका थिए । त्यो खेल भारतले ६–१ ले जितेको थियो ।

तीन पटक खेलाडीका रुपमा भारतलाई ओलम्पिकमा स्वर्ण पदक दिलाएका उनले सन् १९७५ मा भारतलाई विश्वकप जिताएका थिए । उनले सन् १९४८, १९५२ र १९५६ को ओलम्पिकमा भारतलाई स्वर्ण पदक दिलाएका थिए ।

पछिल्लो समय उनी निमोनियालगायतका स्वास्थ्य समस्याबाट ग्रस्त थिए ।