आज बर्लिन डर्बी

यो हर्थाका लागि पुरानो हारको बदला लिने अवसर पनि हुनेछ । युनियनले यसअघि भएको लिगको पहिलो खेलमा हर्थामाथि १–० को जित निकालेको थियो । जर्मनीको माथिल्लो डिभिजनमा राजधानीका दुई क्लब भिडेको यो नै पहिलो अवसर थियो ।

खेल बन्द रंगशालामा हुनेछ । दर्शकको पहुँच हुन्थ्यो त यस खेलमा कम्तीमा ७४ हजार समर्थक रंगशाला आउने थिए । युरोपका प्रमुख फुटबल देशमध्ये जर्मनी फुटबलमा फर्कने पहिलो रहेको छ ।

लिगमा शनिबार हुने प्रमुख खेलमा शीर्ष स्थानमा रहेको बायर्न म्युनिखले एनट्राच्ट फ्रायन्फर्टको सामना गर्नेछ । बायर्नको ५८ अंक छ । यस्तै ५४ अंकमा दोस्रो स्थानको बार्सिया डर्टमन्डले उल्भ्सबर्गको भ्रमण गर्नेछ ।

तेस्रो स्थानको बोर्सिया मोन्चेनग्ल्याडब्याकले बायर लेभरकुजनविरुद्ध घरेलु मैदानमा उत्रने छ । चौथो स्थानमा झरेको लेपजिपको प्रतिद्वन्द्वी भने मेन्ज रहेको छ ।