जिरोड र काबेलेरो चेल्सीमै
लन्डन — चेल्सीले स्ट्राइकर ओलिभर जिरोड र गोलरक्षक विली काबेलेरोसँग सन् २०२०/२०२१ सम्मका लागि अनुबन्ध थप गरेको छ । कोरोना महामारीका कारण लिग रोकिनुअगाडि एभरटनविरुद्धको अन्तिम खेलमा जिरोडले चेल्सीका लागि गोल गरेका थिए ।
फ्रान्सेली अन्तर्राष्ट्रिय विश्वकप विजेता खेलाडीको अनुबन्ध यो सिजन सकिने क्रममा थियो । काबेलेरो भने अब आफ्नो ४०औं जन्मदिनसम्मका लागि स्टायनफोर्ड ब्रिजमै रहने भएका छन् । अर्जेन्टिनी गोलरक्षकले चेल्सीको टिममा नियमित मौका भने पाइरहेका छैनन् । तर चेल्सी उनको अनुभवको फाइदा लिन चाहन्छ ।
प्रकाशित : जेष्ठ ८, २०७७ ०७:२३प्रतिक्रिया