लेभरकुजन शीर्ष चारको नजिक
म्युनिख — केइ हाभेर्टजले दुई गोल गरेपछि बायर लेभरकुजनले सोमबार राति जर्मन बुन्डेसलिगामा वेडर ब्रेमनलाई ४–१ ले हराएको छ । यससँगै कोरोना भाइरस महामारीबीच सुरु भएको बुन्डेसलिगाको एक चरण सकिएको छ ।
यो जितपछि लेभरकुजन शीर्ष चारसँगको दूरी एक अंकमा छोट्ट्याउन पनि सफल भएको छ । खेलअगाडि लेभरजुकन चौथो स्थानको लेपजिपसँग चार अंकले मात्र पछाडि थियो ।
लिभरपुल र बार्सिलोनाजस्ता ठूला क्लबको नजरमा रहेका आक्रामक मिडफिल्डर हाभेर्टजले २८ र ३३ औं मिनेटमा गोल गरे । त्यसपछि मिखेल वेइसर र केरेम डिमरबेले गोल थपे । ब्रेमनका लागि थियोडर ग्रेबेले एक गोल फर्काएका थिए ।
हारले ब्रेमनको स्थिति अझ कमजोर भएको छ । टिम पुछारबाट दोस्रो स्थानमा रहेको छ । सन् १९६३ यता ब्रेमनले एकै अवसरमा मात्र माथिल्लो डिभिजन खेलेको छैन ।
प्रकाशित : जेष्ठ ६, २०७७ ०७:१९प्रतिक्रिया