स्कटल्यान्डमा सेल्टिक लिग च्याम्पियन घोषित- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

स्कटल्यान्डमा सेल्टिक लिग च्याम्पियन घोषित

(एएफपी)

एडिनबर्ग — सेल्टिकलाई सोमबार स्कटिस प्रिमियर लिगको च्याम्पियन घोषणा गरिएको छ । सेल्टिकले लिग जितेको यो लगातार र कीर्तिमान नवौपल्ट हो । निल लेननको टिम लिग तालिकामा १३ अंकको अग्रतासहित शीर्ष स्थानमा थियो ।

कोरोना भाइरस संक्रमणको महामारीका कारण लिग स्थगितको स्थितिमा थियो । लिगमा आठ चरणको खेल बाँकी छँदा मार्चमा संक्रमणका कारण अगाडि बढ्न सकेको थिएन ।

दोस्रो स्थानमा रहेको रेन्जर्ससामु मात्र सेल्टिकलाई पछ्याउन सक्ने अवसर थियो । लिग सुचारु भएको भए सेल्टिक र रेन्जर्सबीच दुईपल्ट खेल्न बाँकी थियो ।

लिगका प्रत्येक खेलमा क्लबले हात पारेका औसत अंकको आधारमा लिगको अन्तिम तालिका पनि निर्धारण गरिएको छ । त्यसअनुसार हार्ट रेलिगेसनमा परेको छ । गत साता भएको क्लबबीचको बैठकमा प्रतियोगितालाई थप नलम्ब्याउन निर्णय भएको थियो ।


प्रकाशित : जेष्ठ ५, २०७७ १८:२१
प्रतिक्रिया
पठाउनुहोस्

यस्तो छ कोरोनाबाट बच्‍न संसद्‌मा सतर्कता [तस्बिरहरु]

तस्बिर : प्रकाशचन्द्र तिमिल्सेना

काठमाडौँ — नेपालमा पनि कोरोना भाइरस (कोभिड १९) बाट संक्रमित संख्या वृद्धि भएसँगै विभिन्‍न क्षेत्रमा सतर्कता बढाइएको छ । नेपाल सरकारको आगामी वर्षको नीति तथा कार्यक्रममाथिको छलफल चलिरहेको संघीय संसद्‌ भवनमा कोरोना भाइरस संक्रमण रोक्‍नका लागि विभिन्‍न सावधानीका उपाय अपनाइएको छ ।

संसद् भवनको मूलद्वार छिर्नुभन्दा अगाडि साबुन पानीले हात धुने व्यवस्था मिलाइएको छ । त्यस्तै ढोकानजिकै हेल्थ डेस्क राखिएको छ भने ज्वरो नाप्ने, मास्क वितरण, स्यानिटाइजर हातमा राखिदिनका लागि ३ जना व्यक्तिलाई खटाइएको छ । त्यहाँ सबै सांसदले साबुन पानीले हात धुँदैनन् तर हाउस छिर्ने बेलामा स्यानिटाइजर प्रयोग भने अनिवार्य गरेको देखिन्‍थे । सोमबार अपराह्‍नसम्म नेपालमा संक्रमितको संख्या ३ सय ५७ पुगेको छ भने २ जनाको ज्यान गइसकेको छ ।


प्रकाशित : जेष्ठ ५, २०७७ १८:१४
पूरा पढ्नुहोस्
प्रतिक्रिया
पठाउनुहोस्
×