हिगुएन पनि पुगे इटाली
टुरिन — अर्जेन्टिनी स्ट्राइकर गोन्जालो हिगुएन इटाली फर्कने युभेन्ट्सका अन्तिम खेलाडी बनेका छन् । उनी शुक्रबार बेलुका निजी विमानमा टुरिन आइपुगेका हुन् ।
इटालीमा जुन १३ बाट सिरी ए सुरु हुनेछ । रियल म्याड्रिड, चेल्सी र नेपोलीका खेलाडी पनि रहेका हिगुएनले अब दुई साता क्वारेन्टनाइमा बिताउनेछन् ।
आफ्नी आमा बिरामी भएपछि मार्च १९ मा उनी आफ्नो देश अर्जेन्टिना फर्केका थिए । यसअघि उनीमाथि गरिएको कोभिड–१९ परीक्षण नेगेटिभ आएको थियो ।
प्रकाशित : जेष्ठ ३, २०७७ ०७:४२प्रतिक्रिया